- Album Intro
- Lyrics
- Album list
- Singer Intro
廖博儀
-
陪伴是上好的藥單
Lyricist:廖博儀 Composer:廖博儀
厝邊孤單老人陳媽媽 上愛雜唸閣敖操煩 查某囝仔出國留學就嫁人 到今三年抑無看著影 透早起床伊上愛唱歌 唱著一條順子的回家 目眶紅紅心肝真折磨 等待的日子哪會遮呢寒
啊啊天哪會暗甲遮呢慢 空闊的厝只賰伊佮怨嘆 規身軀的病痛予伊心足煩 囝兒無佇身邊足毋甘願 啊啊天哪會暗甲遮呢慢 冷風吹來跤嘛袂振動 只賰病房護士佮白頭鬃 有孝這兩字只好問世間
阮的阿爸阿母已經無勇健 猶原煩惱阮的婚姻佮事業 怹講會好好仔享受老人的生活 有我的陪伴怹就袂驚惶 陪伴是免費上好的藥單 毋管天暗是緊抑是慢 佇光線消失進前 這段路途會陪恁好好仔行
陪伴是免費上好的藥單 毋管天暗是緊抑是慢 佇光線消失進前 這段路途會陪恁好好仔行
------------------------------------------
21020/《陪伴是上好的藥單》Puê-phuānn Sī Siōng-hó ê Io̍h-tuann 廖博儀Liāu Phok-gî
厝邊孤單老人陳媽媽 tshù-pinn koo-tuann lāu-lâng Chénmāmā 上愛雜唸閣𠢕操煩 siōng ài tsa̍p-liām koh gâu tshau-huân 查某囡仔 tsa-bóo gín-á 出國留學就嫁人 tshut-kok liû-ha̍k tiō kè--lâng 到今三年 kah-tann sann-nî 曷無看著影 a̍h bô khuànn-tio̍h iánn
透早起床 thàu-tsá khí-tshn̂g 伊上愛唱歌 i siōng ài tshiùnn-kua 唱著一條順子會回家 tshiùnn tio̍h tsi̍t-tiâu Shùnzi ē huíjiā 目箍紅紅 ba̍k-khoo âng-âng 心肝真折磨 sim-kuann tsin tsiat-buâ 等待的日子 tán-thāi ê ji̍t-tsí 哪會遮爾寒 ná ē tsiah-nī kuânn
啊~天哪會暗甲遮爾慢 ah~ thinn ná ē àm kah tsiah-nī bān 空闊的厝 Find more lyrics at ※ Mojim.com khang-khuah ê tshù 只賰伊佮怨嘆 tsí tshun i kah uàn-thàn 規身軀的病疼 kui-sin-khu ê pēnn-thiànn 予伊心足煩 hōo i sim tsiok huân 囝兒無佇身邊 kiánn-jî bô tī sin-pinn 足毋甘願 tsiok m̄ kam-guān
啊~天哪會暗甲遮爾慢 ah~ thinn ná ē àm kah tsiah-nī bān 冷風吹來 líng-hong tshue--lâi 跤嘛袂振動 kha mā bē tín-tāng 只賰病房護士 tsí tshun pēnn-pâng hōo-sū 佮白頭鬃 kah pe̍h thâu-tsang 有孝這兩字 iú-hàu tsit nn̄g-jī 只好問世間 tsí-hó mn̄g sè-kan
阮的阿爸阿母 gún ê a-pa a-bú 已經無勇健 í-king bô ióng-kiānn 猶原煩惱 iu-guân huân-ló 阮的婚姻佮事業 gún ê hun-in kah sū-gia̍p 怹講會好好仔 in kóng ē hó-hó-á 享受老人的生活 hiáng-siū lāu-lâng ê sing-ua̍h 有我的陪伴 ū guá ê puê-phuānn 怹就袂驚惶 in tiō bē kiann-hiânn
陪伴是免費 puê-phuānn sī bián-huì 上好的藥單 siōng-hó ê io̍h-tuann 毋管天暗 m̄-kuán thinn àm 是緊抑是慢 sī kín ia̍h-sī bān 佇光線消失進前 tī kng-suànn siau-sit tsìn-tsîng 這段路途 tsit tuānn lōo-tôo 會陪恁好好仔行 ē puê lín hó-hó-á kiânn
陪伴是免費 puê-phuānn sī bián-huì 上好的藥單 siōng-hó ê io̍h-tuann 毋管天暗 m̄-kuán thinn àm 是緊抑是慢 sī kín ia̍h-sī bān 佇光線消失進前 tī kng-suànn siau-sit tsìn-tsîng 這段路途 tsit tuānn lōo-tôo 會陪恁好好仔行 ē puê lín hó-hó-á kiânn
- Special thanks to W.B. Chen for correcting the lyric.
- Related Links: W.B. Chen
|